News

Air strikes sa Marawi, sinimulan kahit marami pa ang di nakalikas; 1 sibilyan sugatan

Mga taga-Marawi na nagbakwit sa Sagurian, Lanao del Sur. Larawan ni Jerome Succor Aba/Suara Bangsamoro
Air strikes sa Marawi, sinimulan kahit marami pa ang di nakalikas; 1 sibilyan sugatan

Nasa kani-kaniyang mga tahanan pa ang mga residente ng Brgy. Marinaut sa Marawi City nang magsagawa ng air strikes ang Armed Forces of the Philippines (AFP) kaninang 10 a.m. Tinamaan ng splinter sa kanyang likuran ang sibilyan na si Jalil Hassan, 30.

Ayon sa mga ulat ng grupong Suara Bangsamoro at Bangsamoro National Movement for Peace and Development (BMPD), maraming residente pa ng Marawi City ang hindi pa nakakalikas nang simulan ng AFP ang air strikes laban sa tinutugis na Maute Group.

Nagdulot ng takot ang air strikes, na nagtulak sa tinatayang 1,000 na katao mula sa Barangay Mapandi, East Marinaut, Bango, at Matampay na magsilikas.

Jalil Hassan, 30, sibilyan na biktima ng airstrike. Larawan ni Jerome Succor Aba/Suara Bangsamoro

“Maya’t maya ay may naririnig kang pagbagsak ng bomba sa lupa,” ayon kay Jerome Succor Aba, tagapangulo ng Suara Bangsamoro, sa panayam ng Altermidya.

Sa tantiya ng grupo, nasa 90 porsiyento na ng mga residente ng Marawi City ang nakalikas. Pero marami pa umano ang natitira sa kani-kanilang mga tahanan.

Kinumpirma ito ni Drieza Abato Lininding, bise-presidente ng Bangsamoro Movement for Peace and Development.

“Mayroong naiwan na mga matatanda kasi bed-ridden na. Hindi maiwasan na may mga kamag-anak na maiiwan din. So iba’t ibang istorya. Maraming insidente na ganun kasi hindi naman lahat may access sa transportasyon, wala nang public transportation, kanya-kanya na,” aniya sa isang panayam.

Dagdag pa ni Lininding, grabe ang trapik sa haywey—ang dating 45 minuto na biyahe paalis sa Marawi ay naging walo hanggang 12 oras. “So kahit kung may sasakyan sila, kung pabalik-balik, wala na, hindi na kaya,” ayon sa lider-Moro.

Kabilang ang matatanda sa mga sibilyang hindi pa nakakalikas. Larawan ni Jerome Succor Aba/ Suara Bangsamoro

Napalala umano ang sitwasyon ng lockdown na kasalukuyang ipinapatupad sa lungsod, bunsod ng napipintong pagdating ni Pangulong Duterte.

“Napakahirap hindi alam ng tao kung saan sila pupunta. Baka pag-initan sila ng Maute Group, o kaya paghinalaang sympathizer o supporter ng Maute Group. Napakahirap, nakakalungkot, nakakaiyak ‘yung sinapit ng mga tao,” aniya.

Dagdag pa niya, “hanggang ngayon, mayroon pa ring mga nagte-text, ‘i-rescue niyo kami dito, hindi kami makalabas…napaka-helpless.”

Nag-apela ang Suara Bangsamoro at BMPD sa AFP na itigil ang air strikes sa ngalan ng mga sibilyan.

Samantala, may 1,832 pamilya mula sa Sagurian, katabing munisipalidad ng Marawi, ang hindi pa umano nakakatanggap ng food assistance simula noong May 23.

Ayon kay Aba, hindi makapasok ang pagkain mula sa Department of Social Welfare and Development sa Iligan dahil sa pinahigpit na seguridad sa military checkpoints.

Ulat nina Micah Magaro at King Catoy

Mga taga-Marawi na nagbakwit sa Sagurian, Lanao del Sur. Larawan ni Jerome Succor Aba/Suara Bangsamoro

News

More in News

Humanitarian missions in Batangas attempt to probe ‘Marawi-style’ military operations

Southern Tagalog ExposureOctober 1, 2017

Itaas ang buying price ng tabako, panawagan ng mga magsasaka ng Ilocos

Altermidya.NetSeptember 8, 2017

Higit 3,000 Moro, Lumad at pambansang minorya patungong Maynila para sa #Lakbayan2017

Bastin AdriasAugust 29, 2017

Sorsogon rights workers: July 28 ‘encounter’ was a massacre

Altermidya.NetAugust 6, 2017

Students, teachers hail passage of free tuition law

Altermidya.NetAugust 4, 2017

Students enraged at retraction of free tuition policy in SUCs 

Altermidya.NetAugust 3, 2017

Fisher folk leader shot dead in Guihulngan City

Altermidya.NetJuly 26, 2017

Women’s groups call for peace amid rising militarism in PH

Altermidya.NetJuly 17, 2017

Libu-libong magsasaka, naghahanda sa pagkilos sa SONA

Altermidya.NetJuly 13, 2017

Altermidya (People’s Alternative Media Network) is a national network of independent and progressive media outfits, institutions and individuals in the Philippines.

Like us on Facebook!

Copyright © 2015 | People's Alternative Media Network